Język śląski to dobrze rokujący nastolatek

Na konferyncji wysuchali my śtyrech fest ciekawych wykładów. Prof. Henryk Jaroszewicz godoł ło tym, czy współczesna śląszczyzna posiada stopień standaryzacji pozwalający uznać ją za język regionalny, prof. Tambor zastanowiała sie czy są cechy wyraźnie wyodrębniające śląszczyznę oraz czy i jak śląszczyzna tkwi w słowiańskim kontinuum, prof. Artur Czesak pytoł, czy powstałe w ostatnich 30 latach śląskie utwory i tłumaczenia na śląski są wystarczające, by uznać, że śląszczyzna osiągnęła etap języka literackiego, a prof. Ewa Michna godała ło strategiach ochrony języka śląskiego w opiniach etnicznych aktywistów i jak sie łone zmiyniały.

Niy mom tu doś placu, coby napisać ło tym, co kożdy naukowiec pedzioł i bez to skupia się na prof. Jaroszewiczu. Pora miesyncy nazod pisołech tu ło jego ksionżce "Zasady pisowni języka śląskiego". Zrobioła łona na mie fest wrażynie. I bezto niy dziwiołech sie, co na konferyncji profesor tyz godoł aze miło boło suchać. Łodpowiadoł łon na pytanie, cy ślonski to ino dialekt, cy tyz jynzyk regionalny. Dialekt niy, bo dialekt jest wiejskom łodmianom mowy, a ze badań wyszło, co dwie czecie tych, co godajom po naszymu miyszko we miastach. Toz jak niy dialekt, to jynzyk? A dyć! Jak godoł prof. Jaroszeiwcz ślonski spełnio kożde wymaganie definicji jynzyka: jest skodyfikowany, różni się łod polskigo, bo mo inne zasady słowotwórcze i inacy sie w niym łodmiynio słowa. Momy bogato ślonsko literatura (som nawet dwa słowniki chińsko-ślonskie), używo sie go w mediach elektronicznych i skuli tego idzie, a raczy cza pedzieć, że łon żyje i sie rozwijo. I jak godoł profesor przed jyzykym ślonskim jest przyszłośc, bo dzisioj jest dobrze rokujoncym piytnasolatkym. Cymu tak? Bo tak łod piytnostu lot pokazujom sie poważne ksionżki napisane po naszymu, a uczestnicy konferyncji 15 lot nazod trefili sie piyrszy roz.