Momy Rada Ślonskigo Jynzyka

Ślonzoki to cujom i wiedzom. A do tego durś coś robiom. Niydowno powstała Rada Ślonskigo Jynzyka. Znoleźli sie we ni: Rafał Adamus - prezes Pro Loquela Silesiana, dr Artur Czesak – dialektolog, leksykograf i badacz ślonskigo jynzyka, Izolda Czmok-Nowak - telewizyjno dziynnikarka rodym z Radzionkowa, autorka programu "Dej pozór. Szoł tok Izoldy Czmok (musa to w końcu z dumom pedzieć: moja ślubno), Pejter Długosz - prezes wydownictwa Silesia Progress, Adalbert Glensk – muzyk, radiowiec, dr hab. Henryk Jaroszewicz – lingwista, autor "Zasad pisowni języka śląskiego", prof. dr hab. Zbigniew Kadłubek, filolog klasyczny z Uniwersytetu Śląskiego, Bogdan Kallus – autor „Słownika Górnoślōnskij Godki”, bytomianin Grzegorz Kulik - tłumacz literatury na jynzyk ślonski, prof. dr. hab. Aleksandra Kunce - literaturoznawczyni i kulturoznawczyni, dr Marcin Maciołek - filolog polski i lingwista, Marcin Melon - ślonski pisorz, Stanisław Neblik - ślonski pisorz, Mirosław Syniawa - ślonski pisorz, a do tego tłumacz poezji na nasz jynzyk, Rafał Szyma – ślonski pisorz, prof. dr. hab. Jolanta Tambor – lingwistka, badaczka ślonskigo jynzyka i ślonski świadomości jynzykowyj i etnicznyj, Szczepan Twardoch – ślonski pisorz oraz prof. Ryszard Koziołek, naukowiec z Uniwersytetu Ślonskigo.  

Wszyske te ludzie łosprawiali ło prawie Ślonzoków do tego, by mieć status etnicznyj mniyjszości. To kedyś, a na tyn cas nojważniejsze jest, coby we Warszawie uznali ślonski za jynzyk regionaly. Ponoć we nowym parlamyncie do sie do załatwić. Sama Rada zaś dostała dużo roboty. Mo łopiniuwać i dorodzać we sprawach godki, chycić się za kodyfikacjo jynzyka i literackie standardy. No i wachuwać, coby bajtle ucyły sie godać i miały ku tymu warunki we szkołach. Ja, tego sie juz niy do zaczimać.