Srogi bas, marka i fedra

 A wiycie, co to jest fedra? Jak sie znocie na grecki mitologii, to powiycie, co to królewna kreteńska. Uchodziła za córkę króla Minosa i Pazyfae oraz za siostrę Ariadny i Deukaliona. Była żoną Tezeusza, matką Akamasa i Demofonta oraz macochą Hippolytosa. To prowda, ale Ślonzok fedra godo na sprężyna. Tako mało we zygarku, abo tako srogo w jakiś maszynie.

Mocie we familii kogoś, fto robioł na grubie i sjyzdzoł szolom na dół? Jak mocie, to na zicher za kożdym razym przed szychtom musioł łon iść na markowania i wzionć marka. Taki blaszany okrągły znaczek z jego indywidualnym numerem. A jak wyjechoł na wiyrch, to łoddowoł ta marka nazod i boło wiadomo, co niy stracioł sie i niy łostoł na dole. Bo, jakby tego niy zrobiol, to musieliby go zaro drapko szukać.

Po polsku tego nie opowiadajcie. Bo wyraz "marka" będzie zrozumiany jako - i tu zacytujmy Wikipedię - "Nazwy, określenia, znaki, symbole, logo oraz projekty graficzne albo kombinacje tych wszystkich elementów, których celem jest identyfikacja towarów, usług lub jednostek oraz ich wyróżnienie na rynku od produktów konkurencji. A jak juz godomy ło marce z gruby, to musicie wiedzieć, co baby ftore dugo robioły na markowni, jak ino widziały górnika, to niy musiały sie go pytać, jaki mo numer marki. Łone to pamiyntały.