Szolka to niy ma mało szola

Weźcie tako ruła. To nic innego, jak rura, ale raczej taka krótka, bo dłuższa, na przykład - rura wodociągowa, to juz lajtontg. Ale kedy powiycie komuś: "ale mos ruła", to może to zrozumieć na dwa sposoby: "ale masz rurę", albo "ale jesteś powolny", bo mieć ruła, to właśnie robić wszystko pomału, choby ślimok, abo inkszy żółw. Przeciwiyństwym tego jest uwijać sie, robić coś drapko, abo wartko. Jak myśleliście, co z rułom my juz skońcyli, toście źle myśleli. Bo przeca momy jesce bratruła, czyli piekarnik. I coś Wom powiym: jak niy jedliście kołoca upieconego w bratrurze z takigo starego pieca na wongel, to niywiela wiycie ło kuchynnych rozkoszach. I co gorsza, mocie małe szanse, coby to zmiynić. Bo fto dzisioj jesce mo piec na wongel z bratrułom?  

Dowomy juz pokój z tom rułom i bierymy sie za podzim. Podzim momy akurat teroz, bo to nic innego, jak jesień. Jest tyz taki wyraz jak podzimki, ale łon niy mo nic wspólnego z podzimym. Podzimki możecie srywać, nojlepi we swojym łogródku, na wiosna, bo to truskawki. Ja, jo wiym, powiycie mi, że we markecie idzie dostać podzimki nawet bez podzim i bez zima. No, ale niy róbcie mie za bozna, bo to niy som richtich podzimki, ino take sztucne, nafoluwane chymiom. Dzisioj je kupicie (a tonie niy som), a na drugi dziyń wyciepniecie do hasioka, bo juz bydom spleśniale. Ło tym, co niy majom smaku podzimek ani niy godomy.

Uważejcie tyz z wyrazami cug i ancug. Tyn pierwszy oznacza pociąg. Drugi zaś nie jest określeniem pociągu pospiesznego, co mogłoby się wydawać. Ancug to garnitur. Łączy je ino to, że idzie jechać w cugu w ancugu.