A jako komuś sie scuko, to godo: "ftoś mie łobgaduje". Bo tego, że jak sie wom scuko, to musicie sie napić wody, pisać chyba sam niy musa? To ponoć tak samo pomogo po łobydwu stronach Brynicy. Tak samo jak wystraszynie tego, ftorymu sie scuko.
Niy wiym, cy na scukanie pomogo fyrtanie, ale szłoby to sprawdzić. Fytrać to kręcić, mieszać. Jak sie wom zdo, coście juz ło fyrtaniu niy roz i niy dwa cytali w "Życiu Bytomskim", to mocie recht. A to skiz tego, co we Radzionkowie co dwa lata łodbywoł się Fyrtek, czyli Międzynarodowy Festiwal Dziecięcych Zespołów Folklorystycznych. I jesce musicie wiedzieć, co ftoś pofyrtany, to po polsku zakręcony, a fyrlacka do miyszanio maślonki, to polska mątewka (po prowdzie tego łostatnigo wyrazu ani zech niy znoł, ino mi moja pedziała). Tako baba to skarb.
Jak ftoś rod sie fyrto, to bydzie tyz rod hopsoł, czyli skakał. Ale dejcie pozór - tu chodzi raczej o podskakiwanie. Adam Małysz i Kamil Stoch niy hopsajom na nartach. Łoni na nich skokajom. A skocznia to niy ma hopsalnia.
Nojcynści hopsajom bajtle, a więc dzieci. A jak przi tym co jedzom, abo pijom to mogom sie pokidać, czyli poplamić, pobrudzić jedzeniem, czy piciem. I skuli tego zakłodo sie jym lacliki a więc śliniaki. A jak juz godomy, to bajtle dejcie sie pedzieć: abo jycie abo hopsocie. Bo jak jedno i druge, to sie niy ino pokidocie, ale jesce możecie sie udowić, czyli udławić.
A som zeście radzi, jak ftoś fulo? Dom gowa, co niy, bo fulać to opowiadać głupoty, mówić bez sensu, bredzić. Jest take fest fajne, abstrakcyjne powiedzynie po naszymu: fulos jak gynś bez łeba, czyli opowiadasz głupoty jak gęś bez głowy. Fulać mo tyz cało mocka wyrazów bliskoznacznych. To klycić, torbić, pipcyć gupoty, pociskac gupoty, łosprawiać opery, łosprawiać plity, Takie polskie: pleść androny,
To łostało nom jesce hecuwanie. Tu musicie fest dować pozór, bo znaczyń jest trocha. Idzie kogoś hecuwać, czyli prowokować, podpuszczać, ale hecuwać może ty baba chopa, abo chop baba. I tu już raczej chodzi o uwodzenie i to takie mało wyrafinowane.
0
0
0
0
0
0
Brak komentarza, Twój może być pierwszy.
Dodaj komentarz
Użytkowniku, pamiętaj, że w Internecie nie jesteś anonimowy. Ponosisz odpowiedzialność za treści zamieszczane na portalu zyciebytomskie.pl. Dodanie opinii jest równoznaczne z akceptacją Regulaminu portalu. Jeśli zauważyłeś, że któraś opinia łamie prawo lub dobry obyczaj - powiadom nas [email protected] lub użyj przycisku Zgłoś komentarz