Właśnie w tym ślonskiym łoblecyniu poszli my na Trójstyk, czyli taki plac wysoko w górach, kaj sie trefiajom granice Polski, Czech i Słowacji. Tam roz do roku łodprawiano jest mszo, ftoro celebrujom ksiyndze z tych czech państw. Ludzi skludzo sie mocka, som tyz tacy, co jak my majom swoje regionalne łoblecynie.
Na ta mszo szli my bez łonki bardzo przijymnom cestom. Cesta to po naszymu droga, a tak samo godajom na nia za południowom granicom. Jak idziecie cestom we górach, to musicie dować pozór na kamiynie, bo sie skalicycie, abo łobalicie. Na ceście we mieście zaś musicie dować pozór na auta, co by wos niy sztuchły. Dować pozór to po ślonsku zwracać uwagę, uważać (ale nie w sensie mieć przekonanie). A Czech w takich sytuacjach powiy: dewejte pozor. Słowok zresztom tyz. I bezto mogymy sie cuzamyn przestrzegać, bo kożdy wiy, ło cym godka.
Jesce jedyn przikłod znod zech we sklepie na Słowacji (fto to widzioł, coby być na ich stronie i nie wlyź po piwo). Stoł tam srogi automat, do ftorego wciepuje sie plastikowe flaszki. Ale niy tom razom, bo wisiała na niym kartka z napisym: nefunguje! Ślonzok zaro wiedzioł, co je grane. Flaszki niy wciepnie, jak automat nefunguje, czyli: nie działa. Bo po naszymu jak coś działa, to funguje.
0
0
0
0
0
0
Użytkowniku, pamiętaj, że w Internecie nie jesteś anonimowy. Ponosisz odpowiedzialność za treści zamieszczane na portalu zyciebytomskie.pl. Dodanie opinii jest równoznaczne z akceptacją Regulaminu portalu. Jeśli zauważyłeś, że któraś opinia łamie prawo lub dobry obyczaj - powiadom nas [email protected] lub użyj przycisku Zgłoś komentarz
Brak komentarza, Twój może być pierwszy.
Dodaj komentarz