Śląski Bytom i Radzionków

Zebroł zech zaś trocha wyrazów ftore cołkym co innego znacom po polsku, a co inkszego po ślonsku choć jednako brzmiom. Weźcie taki tablet. Jak wom powiym: "Możecie przyniyś mi tablet", to na pewno przyniysiecie mi - i tu erbna haslo z Wikipedii: "Komputer przenośny o rozmiarach większych niż telefon komórkowy lub smartfon, którego główną właściwością jest posiadanie dużego ekranu z zastosowaną technologią Multi-Touch". 

Za bajtla, a potym tyz jako karlus boł zech ministrantym i lektorym. Fest zech boł tymu rod, bo dzioło sie coś ciekawego, trefioł zech mocka fajnych kolegów i poru mondrych ksiyndzy, a i dziołchy (a nojbarzi Marjanki) barzi się intersuwały lektorym, niz innymi chopcami. Fest intynsywne życie ministrant mioł w grudniu i stycniu, kej chodzioło sie na kolynda.

Zrobia dzisioj konkuryncja Oli Giczewskiej i napisa ło jodle. A dokładni ło tym, co u nos sie jy na Wilijo. Ło rzykaniu, opłatkach i życyniach pisać niy cza, to jest oczywiste. Zaroz po nich zupa. Żodyn barszcz, bo to niy ma ślonsko zupa.

Perypetie rodziny Pytloków zaprezentowane zostały w wyjątkowym spektaklu teatralnym po śląsku, który wystawiono w miniony czwartek na deskach sali gimnastycznej Szkoły Podstawowej nr 6 im. ks. G.G. Gorczyckiego. Przedstawienie w wykonaniu szkolnej społeczności cieszyło się dużym zainteresowaniem publiczności.

Dlo Ślonzoków sprawa jest jasno jak lampa ze śtyrystawatowom bernom: ślonski to jynzyk, a niy żodno gwara. Jynzyk, bo spełnio kożde wymaganie definicji jynzyka: jest skodyfikowany, różni się łod polskigo, mo inne zasady słowotwórcze i inacy sie w niym łodmiynio słowa.

Mocka grubów pozawiyranych na amyn, grubiorzy tyz niy tyla, co downi, choć łod niydowna zaś som ogłoszynia, że szukajom ludzi do roboty na dole, ale Barbórka dali jest fest ważno i dali kożdy u nos mo jom we zocy. Fto niy wierzy, niych sie idzie 4 grudnia do kościoła na mszo barbórkowo. 

Jesce niydowno boło tak fajnie i ciepło, a łoroz prziszła zima. Po prowdzie podug kalyndorza do 22 grudnia durś momy jesce podzim, ale juz teraz tymperatura śleciała na minus i ino paczeć, jak śleci śniyg. Niy ma rady, jak niy chcymy dostać rymy, zaconć kucać i charlać, abo niy dej Boże jesce barzi sie łozchoruwać, to musymy dować pozór, coby sie dobrze łoblykać. 

Fto to jest Gorol? No dyć kożdy chyba wiy: niy-Ślonzok, niy-Hanys. Gorolym mianuje sie kożdego, fto niy jest Ślonzokym. Ponoć słowo "Gorol" wziyno sie łod slowa "Góral". W XIX wieku na Górny Śląsk w poszukiwaniu lepszego życio zacło przekludzać sie mocka ludzi z Małopolski i Podhala. Miyndzy niymi byli Górale. Najmuwali sie łoni do roboty w nowych kopalniach, hutach i fabrykach, ftore w tamtym casie buduwali jedna za drugom i tu juz łostowali. I tym tuplym miejscowi na tych przijezdnych zacli godać "Gorole".